![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
8 பெண் உறுப்பினர்கள் : பெண்கள் மயமான புதிய நடிகர் சங்கம்
ஆக 16, 2025
Advertisement
அம்மா என்று அழைக்கப்படும் மலையாள திரையுலக நடிகர் சங்கத்திற்கு நேற்று (ஆக-15) தேர்தல் நடைபெற்றது. இந்த தேர்தலில் நடிகர் சங்க தலைவராக நடிகை ஸ்வேதா மேனன் தேர்தெடுக்கப்பட்டுள்ளார். நடிகர் சங்கம் துவங்கியதில் இருந்து இத்தனை வருடங்களில் இப்போதுதான் ஒரு பெண் நடிகர் சங்க தலைவராக பொறுப்பேற்றுள்ளார். அதுமட்டுமல்ல மொத்தம் உள்ள 17 நிர்வாக குழு உறுப்பினர்களின் கிட்டத்தட்ட சரிக்கு சமம் என்பது போல எட்டு பேர் பெண்கள் என்பதும் இப்போதுதான் முதல்முறையாக நடக்கும் விஷயம். அந்த வகையில் இந்த முறை நடிகர் சங்கத்தில் பெண்களின் கை சற்றே ஓங்கி இருக்கிறது என்று சொல்லலாம்.
இதில் ஸ்வேதா மேனன் மற்றும் திரிஷ்யம் நடிகையான அன்ஷிபா ஹாசன் இருவரை தவிர மற்ற பெண் உறுப்பினர்களும் சரி, ஆண் உறுப்பினர்களும் சரி அவ்வளவு பிரபலம் இல்லாத நடிகர் நடிகைகள் தான். இந்த 17 பேரில் நடிகை அன்ஷிபா ஹாசன் தேர்தலுக்கு முன்பாகவே இணைச் செயலாளராக போட்டியின்றி தேர்வு செய்யப்பட்டார். இத்தனை வருடங்களில் நடிகர் சங்க பொறுப்புகளில் நட்சத்திர நடிகர்களே பெருமளவு பொறுப்பு வகித்து வந்த நிலையில் இந்த புதிய நிர்வாக குழு முற்றிலும் ஆச்சரியமாக ஒன்றுதான்.
இதில் ஸ்வேதா மேனன் மற்றும் திரிஷ்யம் நடிகையான அன்ஷிபா ஹாசன் இருவரை தவிர மற்ற பெண் உறுப்பினர்களும் சரி, ஆண் உறுப்பினர்களும் சரி அவ்வளவு பிரபலம் இல்லாத நடிகர் நடிகைகள் தான். இந்த 17 பேரில் நடிகை அன்ஷிபா ஹாசன் தேர்தலுக்கு முன்பாகவே இணைச் செயலாளராக போட்டியின்றி தேர்வு செய்யப்பட்டார். இத்தனை வருடங்களில் நடிகர் சங்க பொறுப்புகளில் நட்சத்திர நடிகர்களே பெருமளவு பொறுப்பு வகித்து வந்த நிலையில் இந்த புதிய நிர்வாக குழு முற்றிலும் ஆச்சரியமாக ஒன்றுதான்.
Advertisement
வாசகர்கள் கருத்துகள்
முதல் நபராக கருத்து தெரிவியுங்கள்!