மீண்டும் வெளியாகிறது ஊமை விழிகள்

விஜயகாந்த் கேரியரில் மிக முக்கியமான படம் "ஊமை விழிகள்". அரசு திரைப்படக் கல்லூரி மாணவர்கள் இணைந்து உருவாக்கிய இந்தப் படம் அன்றைய சினிமா டிரண்டிங்கையே மாற்றியது. 1986ம் ஆண்டு வெளியான இந்த படத்தில் விஜயகாந்துடன் அருண் பாண்டியன், பழம்பெரும் நடிகர் ரவிச்சந்திரன், ஜெய்சங்கர், கார்த்திக், சரிதா, இளவரசி, விசு உள்ளிட்ட பலர் நடித்தார்கள்.

ஆபாவாணன் தயாரித்தார், அரவிந்த்ராஜ் இயக்கினார். மனோஜ் கியான் இசை அமைத்திருந்தார், ரமேஷ் குமார் ஒளிப்பதிவு செய்திருந்தார். இவரது ஒளிப்பதிவு அப்போது வெகுவாக பாராட்டப்பட்டது. படமும் பெரிய வெற்றி பெற்றது.

39 ஆண்டுகளுக்கு பிறகு இந்தப் படம் தற்போது மறு வெளியீட்டுக்கு தயாராகி வருகிறது. ஜெய் மோகா பிலிம்ஸ் சார்பில் ஆர்.ஜெயராமன் என்பவர் வெளியிடுகிறார். ஏற்கெனவே விஜயகாந்தின் "கேப்டன் பிரபாகரன்" படமும் மறுவெளியீட்டுக்கு தயாராகி வருவது குறிப்பிடத்தக்கது.