பெரிய பட்ஜெட்டில் 3டி அனிமேஷனில் தயாராகும் பெருமாளின் அவதாரங்கள்

இப்போதெல்லாம் புராண படங்களுக்கு தனி மவுசு ஏற்பட்டுள்ளது. இதனால் சிறிய பட்ஜெட் முதல் மிகப்பெரிய பட்ஜெட் வரை புராண படங்கள் தயாராகி வருகிறது. ஏற்கெனவே ராமாயணம், மகாபாரதம், கல்கி, சமீபத்தில் கண்ணப்பா புராண படங்கள் வெளியானது. தற்போது ராமாயணம் பிரமாண்டமாக தயாராகி வருகிறது. ராஜமவுலி மகாபாரதத்தை பல பாகங்களாக எடுக்க திட்டமிட்டுள்ளார்.

இதேப்போன்று ஹோம்பாலே பிலிம்ஸ், க்ளீம் புரடக்ஷன் நிறுவனங்கள் பெருமாளின் அவதாரங்களையும் பிரமாண்ட பட்ஜெட்டில் அனிமேஷன் திரைப்படமாக தயாரிக்கிறது. இதில் முதல் படமாக "மஹாவதார் நரசிம்மா" வரும் 25ம் தமிழ், தெலுங்கு, மலையாளம், கன்னடம், இந்திய ஆகிய 5 மொழிகளில் 3டியில் வெளியாகிறது. தற்போது அதன் பர்ஸ்ட் லுக் போஸ்டர் மற்றும் டிரைலர் வெளியிடப்பட்டுள்ளது.

இதைத்தொடர்ந்து மஹாவதார் பரசுராம் (2027), மஹாவதார் ரகுநந்தன் (2030), மஹாவதார் கோகுலானந்தா (2033), மஹாவதார் கல்கி பகுதி 1 (2035), மற்றும் மஹாவதார் கல்கி பகுதி 2 (2037) என வரிசையாக வெளியாக இருக்கிறது.