அமெரிக்கா : ஹாட்ரிக் 2 மில்லியன் வசூலைப் பெற்ற நானி

தெலுங்கு சினிமாவில் முதல் நிலை நடிகர்களின் படங்கள் அமெரிக்கா உள்ளிட்ட வெளிநாடுகளிலும் வசூல் சாதனை புரிவது வழக்கமானது. இரண்டாம் நிலை நடிகர்களின் படங்களும் அங்கு வரவேற்பையும், வசூலையும் பெறுவது சாதனையான விஷயம்.

அடுத்தடுத்து மூன்று 2 மில்லியன் யுஎஸ் டாலர் வசூலைப் பெற்ற நடிகராக சாதனை புரிந்துள்ளார் நானி. அவர் நடித்து கடந்த வாரம் வெளியான "ஹிட் 3" படம் அமெரிக்காவில் 2 மில்லியன் யுஎஸ் டாலர் வசூலை நேற்றோடு கடந்துள்ளது. இந்திய ரூபாய் மதிப்பில் 16 கோடிக்கும் சற்றே அதிகம். இதற்கு முன்னதாக கடந்த வருடம் அவர் நடித்து வெளிவந்த "சரிபோதா சனிவாரம்", 2023ல் வெளிவந்த "தசரா" ஆகிய படங்களும் 2 மில்லியன் வசூலைக் கடந்திருந்தன.

"ஹிட் 3" படம் அமெரிக்க வசூலையும் சேர்த்து 100 கோடி வசூலைக் கடந்துள்ளதாகத் தகவல் வெளியாகி உள்ளது. இப்படத்தின் வசூல் மூலம் தெலுங்கில் நானியின் வியாபார நிலை உயர்ந்துள்ளது.