அல்லு அர்ஜுன், அட்லி படம் : கதாநாயகிகள் வாய்ப்பு யாருக்கு?

அட்லி இயக்கத்தில் அல்லு அர்ஜுன் நடிக்கும் புதிய படத்தின் அறிவிப்பு கடந்த வாரம் அல்லு அர்ஜுனின் பிறந்தநாளன்று வெளியானது. பான் வேர்ல்டு படமாக உருவாக உள்ள இப்படத்தில் மேற்கத்திய ரசிகர்களையும் கவரும் விதத்தில் உள்ள நடிகைகளை கதாநாயகியாக நடிக்க வைக்க ஆலோசனை நடந்து வருகிறதாம். அவர்கள் கிளாமராகவும் நடிக்கத் தயாராக இருக்க வேண்டும் என்றும் ஒரு தகவல்.

தற்போதைக்கு அதிகமான கிளாமர் காட்டி நடிக்கும் ஒரு நடிகையாக ஜான்வி கபூர் இருக்கிறார். ஜுனியர் என்டிஆர் ஜோடியாக "தேவரா" படத்தில் நடித்தவர், தற்போது ராம் சரண் ஜோடியாக "பெத்தி" படத்தில் நடித்து வருகிறார். அதனால் அவர்தான் முதல் தேர்வாக இருக்கிறார் என்கிறார்கள்.

படத்தில் அல்லு அர்ஜுன் இரண்டு வேடங்களில் நடிக்க உள்ளார் என்பதால் மற்றொரு கதாநாயகியும் வேண்டும். அட்லியின் நெருக்கமான நட்பில் உள்ளவர் சமந்தா. அதனால், அவர் தேர்வாகலாம் என்கிறார்கள். "புஷ்பா" படத்தின் முதல் பாகத்தில் "ஊ சொல்றியா" என்று கெட்ட ஆட்டம் போட்டவர் சமந்தா. அப்படத்தின் வெற்றிக்கு அந்தப் பாடலும் ஒரு காரணம். அவரும் கிளாமர் காட்டத் தயங்க மாட்டார். அதே சமயம், இன்னும் சில பாலிவுட் நடிகைகளும் தேர்வில் இருக்கிறார்களாம்.