தனுஷின் இட்லி கடைக்கு புதிய சிக்கலா?

நடிகர் தனுஷ் இயக்கி, நடிக்கும் திரைப்படம் இட்லி கடை. இந்த திரைப்படம் ஏப்ரல் 10 அன்று வெளியாகுமென்று சொல்லப்பட்டது. ஆனால் படம் எதிர்பாராதவிதமாக சொன்ன தேதியில் வெளியாக வாய்ப்பில்லை. படத்தின் கடைசி கட்ட படப்பிடிப்பும், சின்ன சின்ன காட்சி அமைப்புகளும் படவேலைகள் இருப்பதால் சொன்ன தேதியில் வெளிவர இயலாமல் போனது.

தற்போது இந்த படத்தின் இறுதி கட்ட படப்பிடிப்புக்காக படக்குழு தாய்லாந்து செல்லவிருக்கிறார்கள். இன்னும் மொத்தம் 10 - 15 நாட்கள் ஷூட்டிங் இருப்பதாலும் இந்த படத்தை ஜூலை அல்லது ஆகஸ்ட் மாதம் வெளியிடலாமா என்ற யோசனையில் படக்குழு உள்ளது.

அதுமட்டுமில்லாமல் ஆகஸ்ட் மாதம் ரஜினிகாந்த் நடித்த கூலி திரைப்படம் வரவிருப்பதால் இட்லி கடை படத்தை எப்போது வெளியிடலாம் என்ற கோணத்தில் படக்குழு யோசித்தும் வருகிறது. இதனால் இட்லி கடை வெளியாவதில் புதிய சிக்கலாக இந்த தேதி மாற்றம் இருப்பதாக கூறப்படுகிறது.