ரூ.400 கோடி பட்ஜெட்டில் உருவாகும் ஜூனியர் என்டிஆர் படம்

தேவரா படத்தை அடுத்து ஹிந்தியில் வார் 2 என்ற படத்தில் நடித்து வருகிறார் ஜூனியர் என்டிஆர். இது அவரது முதல் ஹிந்தி படமாகும். இதையடுத்து பிரசாந்த் நீல் இயக்கும் படம் மற்றும் தேவரா 2 படங்களில் அடுத்தடுத்து நடிக்கப் போகிறார். தற்போது பிரசாந்த் நீல் இயக்கத்தில் ஜூனியர் என்டிஆர் நடிக்கும் படத்தின் படப்பிடிப்பு ராமோஜிராவ் பிலிம் சிட்டியில் தொடங்கி இருக்கிறது. என்றாலும் தற்போது வார் 2 ஹிந்தி படத்தில் நடித்து வரும் ஜூனியர் என்டி ஆர், விரைவில் பிரஷாந்த் நீல் இயக்கும் படத்தின் படப்பிடிப்பில் கலந்து கொள்ளவிருக்கிறார். மேலும் 400 கோடி பட்ஜெட்டில் தயாராகும் இந்த படத்தில் ஒரு மனநிலை பாதிக்கப்பட்ட வேடத்தில் நடிக்கிறார் ஜூனியர் என்டிஆர்.