பிரபுதேவா 60வது படம் வுல்ப் டீசர் அப்டேட்

நடன இயக்குனர் மற்றும் நடிகர் பிரபுதேவா வெற்றி தோல்விகளை கடந்து தொடர்ந்து ஹீரோவாக படங்களில் நடித்து வருகிறார் . இப்போது நடிகராக 60வது படத்தை எட்டியுள்ளார். வினோ வெங்கடேஷ் இயக்கும் இப்படத்திற்கு " வுல்ப்" என தலைப்பு வைத்துள்ளனர். இதில் வசிஷ்டா என் சிம்ஹா, ராய் லட்சுமி, அஞ்சு குரியன், அனசுயா பரத்வாஜ், ஸ்ரீ கோபிகா, ரமேஷ் திலக் உள்ளிட்டோர் முக்கிய கதாபாத்திரத்தில் நடித்துள்ளனர். அம்ரிஷ் இசையமைக்கும் இந்த படத்தை சந்தேஷ் புரொடக்சன்ஸ் நிறுவனம் தயாரிக்கின்றனர்.

இந்த நிலையில் இப்படத்தின் டீசர் குறித்து அறிவிப்பு வெளியாகியுள்ளது. அதன்படி, இந்த படத்தின் டீசர் வருகின்ற ஆகஸ்ட் 3ம் தேதி அன்று வெளியாகும் என புதிய போஸ்டர் உடன் அறிவித்துள்ளனர். மேலும், தமிழ், கன்னடம், தெலுங்கு, ஹிந்தி ஆகிய மொழிகளில் இப்படம் வெளியாகும் என்பது குறிப்பிடத்தக்கது.