விஜய் தேவரகொண்டாவின் 12வது படம் பூஜையுடன் ஆரம்பம்

தெலுங்கு சினிமாவின் வளர்ந்து வரும் இளம் நடிகர் விஜய் தேவரகொண்டா. கடைசியாக இவரது நடிப்பில் வெளியான லைகர் படம் தோல்வியை தழுவியது. தற்போது தற்போது இயக்குனர் சிவா நிர்வனா இயக்கத்தில் குஷி படத்தில் நடித்து வருகிறார். இதில் நாயகியாக சமந்தா நடிக்கிறார். இதன் படப்பிடிப்பு விறுவிறுப்பாக நடந்து வருகிறது.

இதை தொடர்ந்து தனது 12வது படத்தில் நடிக்கவுள்ளார். இந்த படத்தை ஜெர்ஸி படத்தின் இயக்குனர் கவுதம் தின்னூரி இயக்குகிறார். கதாநாயகியாக ஸ்ரீ லீலா நடிக்கிறார். சித்தாரா எண்டர்டெயின்மெண்ட் தயாரிக்கும் இந்த படத்திற்கு இசையமைப்பாளர் அனிரூத் இசையமைக்கிறார் என்று சில மாதங்களுக்கு முன்பு அறிவித்தனர். இந்நிலையில் இன்று இந்த படத்தை பூஜையுடன் துவங்கியுள்ளனர். இந்த படத்தின் படப்பிடிப்பு வரும் ஜூன் மாதம் தொடங்கும் என தெரிவித்துள்ளனர்.