புதுமுகங்களின் நியதி

மெரினா புரட்சி, வலியோர் சிலர் உள்ளிட்ட படங்களில் நடித்த நவீன் தற்போது இயக்கி, நடித்திருக்கும் புதிய படம் ‛நியதி". இப்படத்தில் கோவிந்த மூர்த்தி, தேனி முருகன், திலீப், அஞ்சனா பாபு, கோபிகா சுரேஷ், அக்ஷயா, விஜய ரண தீரன், அருண் உள்ளிட்ட பலர் நடித்துள்ளனர். ஜீனியஸ் பிலிம் கம்பெனி தயாரித்துள்ளது. ஜாக் வாரியர் இசையமைத்திருக்கும் இப்படத்திற்கு பிரபு கண்ணன் ஒளிப்பதிவு செய்துள்ளார்.

படம் பற்றி இயக்குனர் நவீன் கூறியதாவது : கதை நாயகன் ஒரு தனியார் துப்பறியும் அலுவலகத்தில் துப்பறிவாளனாக பணிபுரிகிறார். மற்ற மக்களின் பிரச்னைகளை தீர்த்து வைக்கும் பணியில் இருக்க, எதிர்பாராத விபத்தின் மூலமாக தானே ஒரு பிரச்னையில் சிக்கிக் கொள்கிறார். அந்த பிரச்னையின் தீர்வை தேட முயல, அது கடந்த காலத்தில் நடந்த இன்னொரு பிரச்னை நீட்சியாக வருவதையும் கண்டறிகிறார். இரண்டு சம்பவங்ளுக்கும் தீர்வை தேடுவதே கதை. என்றார்.