விஷாலின் மார்க் ஆண்டனி படப்பிடிப்பு தளத்தில் மீண்டும் விபத்து

திரிஷா இல்லேன்னா நயன்தாரா, அன்பானவன் அசராதவன் அடங்காதவன் படங்களை இயக்கிய ஆதிக் ரவிச்சந்திரன், தற்போது மார்க் ஆண்டனி என்ற படத்தை இயக்கி வருகிறார். இந்த படத்தில் விஷால் நாயகனாகவும், எஸ்.ஜே.சூர்யா வில்லனாகவும் நடிக்கிறார்கள். அதோடு இவர்கள் இருவருக்கும் இந்த படத்தில் இரட்டை வேடங்கள். ரித்து வர்மா நாயகியாக நடிக்கிறார். இப்படத்தின் படப்பிடிப்பு தளத்தில் கடந்த வாரத்தில் ஒரு விபத்து நடந்தது. ஆக்சன் காட்சி ஒன்று படமாக்கப்பட்ட போது லாரி கட்டுப்பாட்டை இழந்து ஓடியது. என்றாலும் அதிர்ஷ்டவசமாக யாருக்கும் காயங்கள் ஏற்படாமல் தப்பினார்கள். அது குறித்த வீடியோவை வெளியிட்டிருந்தார்கள்.

இந்த நிலையில் தற்போது மார்க் ஆண்டனி படப்பிடிப்பு ஈவிபி பிலிம் சிட்டியில் நடைபெற்று வருகிறது. அங்கு லைட் கம்பம் சரிந்து விழுந்து லைட் மேன் ஒருவரின் தலையில் பலத்த காயம் ஏற்பட்டுள்ளது. தற்போது அவர் தனியார் மருத்துவமனையில் சிகிச்சை பெற்று வருகிறார். மார்க் ஆண்டனி படப்பிடிப்பு தளத்தில் இப்படி அடிக்கடி விபத்து ஏற்பட்டு வருவது படக் குழுவிற்கு பலத்த அதிர்ச்சியை கொடுத்திருக்கிறது.