‛ஜவான் படத்தில் சிறை கைதியாக நயன்தாரா

ஷாருக்கான் நடிப்பில் அட்லீ இயக்கத்தில் ஹிந்தியில் பிரமாண்டமாக உருவாகி வரும் படம் "ஜவான்". இந்தப் படத்தில் நயன்தாரா கதாநாயகியாக நடிக்கிறார். மேலும் சான்யா மல்ஹோத்ரா, ப்ரியாமணி, சுனில் குரோவர், யோகிபாபு ஆகியோர் முக்கியக் கதாபாத்திரத்தில் நடித்து வருகின்றனர். விஜய் சேதுபதி இந்தப் படத்தில் வில்லனாக நடிக்கிறார்.

ஷாருக்கான் இரட்டை வேடங்களில் நடிக்கும் இந்தப் படத்தில் தீபிகா படுகோனே சிறப்புத் தோற்றத்தில் நடிப்பதாகக் கூறப்படுகிறது. இந்நிலையில் "ஜவான்" படத்தின் படப்பிடிப்பு தற்போது சென்னையில் நடைபெற்று வருகிறது. இந்தப்படத்தில் நயன்தாரா சிறை கைதியாக நடித்து வருகிறார். ஷாருக்கான் தற்போது சென்னையில் தங்கி படப்பிடிப்பில் கலந்து கொண்டு வருகிறார்.