நடிகர் ‛பூ ராமு சென்னை அரசு மருத்துவமனையில் அனுமதி

சசி இயக்கிய பூ படத்தின் மூலம் பிரபலமானவர் நடிகர் ராமு. தொடர்ந்து நீர்ப்பறவை, தங்கமீன்கள், பரியேறும் பெருமாள், கர்ணன், சூரரைப்போற்று உள்ளிட்ட பல படங்களில் நடித்துள்ளார். சிறந்த குணச்சித்ர நடிகராக வலம் வரும் இவர் தனது கேரக்டருக்கான நடிப்பை அப்படியே பிரதிபலித்து ரசிகர்களின் அன்பை பெற்றுள்ளார்.

இந்நிலையில் ராமு திடீரென உடல்நலக் குறைவால் பாதிக்கப்பட்டு சென்னை, ராஜீவ்காந்தி அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார். அவருக்கு மாரடைப்பு ஏற்பட்டதன் காரணமாக மருத்துவமனையில் அனுமதிக்கப்பட்டுள்ளதாக தகவல் வெளியாகி உள்ளது. அவர் நலம் பெற வேண்டி ரசிகர்கள் வாழ்த்தி வருகின்றனர்.