சிவராஜ்குமாரை படப்பிடிப்பு தளத்தில் சந்தித்த யஷ்

கன்னட திரையுலகில் இருந்து கேஜிஎப் படத்தின் இரண்டு பாகங்கள் மூலமாக தென்னிந்தியாவையும் தாண்டி பாலிவுட் வரை பிரபலமானவர் நடிகர் யஷ். இவர் தற்போது டாக்ஸிக் என்கிற புதிய படத்தில் நடிக்க வருகிறார். தேசிய விருது பெற்ற இயக்குனரும், நடிகையுமான கீது மோகன்தாஸ் இந்த படத்தை இயக்கி வருகிறார். இந்த படத்தின் படப்பிடிப்பு தற்போது பெங்களூருவில் நடைபெற்று வருகிறது. இந்த படப்பிடிப்பு தளத்தின் அருகிலேயே நடிகர் சிவராஜ்குமார் நடித்து வரும் அவரது 131வது படத்தின் படப்பிடிப்பும் ஒரே நேரத்தில் நடைபெற்று வருகிறது.

இதனை தொடர்ந்து சிவராஜ்குமாரின் படப்பிடிப்பு தளத்திற்கு நேரிலேயே சென்ற யஷ் அவருடன் சேர்ந்து நேரம் பேசிவிட்டு தனது வாழ்த்துக்களையும் தெரிவித்துவிட்டு வந்துள்ளார். இப்படி இவர்கள் இருவரும் சந்தித்ததை கேள்விப்பட்ட பலரும் நடிகர் யஷ், சிவராஜ்குமார் படத்தில் முக்கிய கதாபாத்திரத்தில் நடிக்கிறாரோ என்பது போன்று தங்களது யூகங்களை வெளிப்படுத்தி வருகின்றனர்.