மீண்டும் வேகம் எடுக்கும் சிப்பாய்

நடிகர் கவுதம் கார்த்திக் மற்றும் லட்சுமி மேனன் நடிப்பில் உருவாகி வரும் படம் "சிப்பாய்". இத்திரைப்படத்தை இயக்குநர் சண்முக சரவணன் இயக்கியுள்ளார். இவர் சிம்புவின் "சிலம்பாட்டம்" படத்தை இயக்கியவர். இப்படத்திற்கு யுவன் ஷங்கர் ராஜா இசையமைக்கிறார். நீண்டகால தயாரிப்பில் இப்படம் உள்ளது. ஆர்.எஸ்.எஸ்.எஸ். தணிகைவேல் தயாரித்து வெளியிடுகிறார்.

சிப்பாய் திரைப்படம் 80 சதவீத படப்பிடிப்பு முடிவடைந்த நிலையில் கொரோனா பேரிடர் காரணமாக படப்பிடிப்பு நிறுத்தி வைக்கப்பட்டிருந்தது. இப்போது கொரோனா பாதிப்பு குறைந்த நிலையில் படப்பிடிப்பு தொடங்கி முழு வேகத்தில் நடைபெறவிற்கிறது. விரைவில் இப்படம் வெளியீட்டிற்கு தயாராக உள்ளது. இபடத்தை தயாரிக்கும் ஆர்.எஸ்.எஸ்.எஸ். தணிகைவேல், 17 சர்வதேச விருதுகள் பெற்ற "ஒற்றை பனை மரம்" படத்தை தயாரித்தவர். இவர், இதற்குமுன் நேற்று இன்று, இரவும் பகலும் வரும், போக்கிரி மன்னன் ஆகிய படங்களை வாங்கி வெளியிட்டிருக்கிறார்.