தம்பதிகளின் உறவுச் சிக்கலை பேசும் ‛மதர்

ரேசர் எண்டர்பிரைசஸ் சார்பில் ரேஷ்மா தயாரிக்கும் படம் மதர். சரீஷ் இயக்கி நாயகனாக நடிக்கிறார். அர்திகா கதை நாயகியாக நடிக்கிறார். தம்பி ராமைய்யா முக்கியமான கேரக்டரில் நடிக்கிறார். வெங்கடேஷ் ஒளிப்பதிவு செய்கிறார், தேவ ராஜன் இசை அமைக்கிறார்.

படம் பற்றி இயக்குநனர் சரீஷ் கூறும்போது "இன்றைய நவீன காலகட்டத்தில் கணவன் மனைவி உறவு சிக்கலனாதாக மாறியுள்ளது. ஒரு சிறு சந்தேகம் ஒரு நல்ல உறவையும் கெடுத்துவிடும். நவீன கால தம்பதிகளின் உறவுச் சிக்கலை மையப்படுத்தி, கமர்ஷியல் படமாக உருவாகியுள்ளது.

எழுத்தாளர் ரூபன் கதை வசனம் எழுதியுள்ளார். பிரபல இயக்குநர் வின்செண்ட் செல்வா, இப்படத்தின் திரைக்கதை எழுதியுள்ளார். குடும்பத்தோடு அனைத்து தரப்பினரும் ரசிக்கும் வகையில் படம் உருவாகி உள்ளது. இப்படத்தின் மொத்தப் படப்பிடிப்பும் கொடைக்கானலில் நடத்தி முடிக்கப்பட்டுள்ளது. செப்டம்பர் மாதம் வெளியிட திட்டமிட்டிருக்கிறோம் என்றார்.