யஷ் படத்தை இயக்குகிறார் கீது மோகன்தாஸ்

மலையாளத்தில் விருதுகளுக்கு அனுப்பி போட்டியிடும் விதமான படங்களாகவே தொடர்ந்து இயக்கி வருபவர் நடிகையும் இயக்குனருமான கீது மோகன்தாஸ்.. தமிழில் என் பொம்முக்குட்டி அம்மாவுக்கு உள்ளிட்ட படங்களில் குழந்தை நட்சத்திரமாக நடித்த இவர், நளதமயந்தி படத்தில் மாதவன் ஜோடியாக நடித்திருந்தார். ஏற்கனவே லயர் டயஸ் என்கிற படத்தை இயக்கி தேசிய விருது பெற்ற இவர், கடந்த இரண்டு வருடங்களுக்கு முன் நிவின்பாலி நடிப்பில் மூத்தோன் என்கிற படத்தை இந்தி மற்றும் மலையாளத்தில் இயக்கினார்.

இந்தநிலையில் அடுத்ததாக இவர் கேஜிஎப் நாயகன் யஷ்ஷை வைத்து படம் இயக்க போவதாக தற்போது ஒரு தகவல் வெளியாகியுள்ளது. யஷ்ஷிடம் ஒரு அருமையான கதையை சொல்லி கீது மோகன்தாஸ் அவரை இம்ப்ரெஸ் பண்ணிவிட்டார் என்றும் யஷ்ஷும் அதற்கு கிரீன் சிக்னல் கொடுத்து விட்டார் என்றும் விரைவில் இந்தப்படம் தொடர்பான அறிவிப்புகள் வெளியாகலாம் என்றும் சொல்லப்படுகிறது.