ஹீரோவானார் பிக்பாஸ் விக்ரமன்

பிக்பாஸ் நிகழ்ச்சி மூலம் புகழ்பெற்ற பலரும் ஹீரோக்களாகி இருக்கிறார்கள். அந்த வரிசையில் அடுத்து வருகிறார் விக்ரமன். அவரது ஜோடியாக சுப்ரிதா நடிக்கிறார். முக்கிய கதாபாத்திரங்களில் ஜென்சன் திவாகர் மற்றும் பலர் நடித்துள்ளனர். இன்னும் டைட்டில் வைக்கப்படாத இந்த படத்தை, கோல்டன் கேட் ஸ்டுடியோஸ் தயாரிப்பாளர் திலகவதி கரிகாலன் தயாரிக்கிறார். பிரீத்தி கரிகாலன் இயக்குகிறார். அஜீஷ் அசோகன் இசை அமைக்கிறார், ஸ்ரீதர் ஒளிப்பதிவு செய்கிறார்.

படம் குறித்து இயக்குனர் கூறும்போது "குடும்ப பார்வையாளர்களை ஈர்க்கும் வகையில் படத்தின் காட்சிகள், இசை, கதை என அனைத்தும் உருவாக்கப்பட்டுள்ளது. ஒரு படத்தை திட்டமிட்டபடி முடிக்க ஒவ்வொரு துறையும் அர்ப்பணிப்புடன் உழைக்க வேண்டும். அந்தவகையில் படத்தின் நடிகர்கள், தொழில்நுட்ப வல்லுநர்கள் மற்றும் என அனைவரும் அர்ப்பணிப்புடன் பணியாற்றி உள்ளனர். படத்தை வெளியிடுவதற்கான சரியான தருணத்தை திட்டமிட்டு வருகிறோம்” என்றார்.