அர்ஜுன் தாஸின் நீண்ட நாள் கனவு நனவாகியது

கைதி, மாஸ்டர், குட் பேட் அக்லி போன்ற படங்களில் நடித்து பிரபலமானவர் அர்ஜுன் தாஸ். இவர் தற்போது தெலுங்கில் பவன் கல்யாணுடன் இணைந்து ஓஜி என்ற படத்தில் நடித்துள்ளார். இது குறித்து தனது இணைய பக்கத்தில் அவர் ஒரு நெகிழ்ச்சி பதிவு வெளியிட்டுள்ளார். அதில், இந்த ஓஜி படத்தில் நடிக்க வாய்ப்பு கொடுத்த இயக்குனர் சுஜித் மற்றும் தயாரிப்பாளருக்கு நன்றி தெரிவித்துக் கொள்கிறேன். காரணம் பவன் கல்யாணுடன் இணைந்து நடிக்க வேண்டும் என்ற எனது கனவை இந்த படத்தில் நிறைவேற்றி உள்ளார்கள்.

பவன் கல்யாண் தெய்வீகமான மனிதர். அவரது எளிமை அன்பு என்னை மிகவும் கவர்ந்தது. அவருடன் இணைந்து ஓஜி படத்தில் நடித்த அனுபவத்தை வாழ்நாள் முழுவதும் மறக்க மாட்டேன். அவருடன் நடித்து முடித்தது மகிழ்ச்சியாக உள்ளது. என்றாலும் இனிமேலும் தினமும் படப்பிடிப்புக்கு செல்ல முடியாதே என்ற ஏக்கம் ஏற்பட்டுள்ளது. அந்த அளவுக்கு பவன் கல்யாணுடன் இணைந்து நடித்தது ஒரு மறக்க முடியாத பயணம் என்று நெகிழ்ச்சி பதிவு வெளியிட்டிருக்கிறார் அர்ஜுன் தாஸ்.