ஊழியர்கள் நீக்கம்

'ஏர் இந்தியா' விமானம் விபத்துக்குள்ளான சில தினங்களில், அந்நிறுவனத்தின் சரக்குகளை கையாளும் பிரிவைச் சேர்ந்த ஊழியர்கள், பார்ட்டி வைத்து ஆடிப்பாடி கொண்டாடிய, 'வீடியோ' சமூக வலைதளங்களில் சமீபத்தில் வெளியானது. இதற்கு பலரும் கண்டனம் தெரிவித்தனர்.இந்நிலையில், ஊழியர்களின் செயலுக்கு, ஏர் இந்தியா நிறுவனம் வருத்தம் தெரிவித்து அறிக்கை வெளியிட்டு இருக்கிறது. அதில், 'துயரமான சம்பவத்தில், பாதிக்கப்பட்ட குடும்பங்களுடன் நாங்கள் துணை நிற்கிறோம். சமீபத்தில் வெளியான வீடியோவிற்கு வருத்தம் தெரிவிக்கிறோம். இதை மட்டுமே வைத்து எங்களை மதிப்பிடவேண்டாம். பொறுப்பு தவறி நடந்துகொண்ட நான்கு அதிகாரிகளுக்கு எதிராக ஒழுங்கு நடவடிக்கை எடுக்கப்பட்டுள்ளது' என, குறிப்பிட்டுள்ளது.