பிரதமரின் பயண விபரம்

முதல் பயணமாக, தலைநகர் டில்லியில் இருந்து மேற்கு ஆப்ரிக்க நாடான கானாவுக்கு ஜூலை 2ல் பிரதமர் மோடி செல்கிறார். 30 ஆண்டுகளுக்கு பின், இந்திய பிரதமர் மேற்கொள்ளும் முதல் பயணம் இது. தொடர்ந்து, ஜூலை 3 - 4 வரை டிரினிடாட் மற்றும் டொபாகோ நாட்டுக்கு பிரதமர் பயணம் மேற்கொள்கிறார். அங்கு பார்லி., கூட்டுக்குழு கூட்டத்தில் பிரதமர் மோடி உரையாற்றுகிறார். இந்த பயணத்தை முடித்து, அர்ஜென்டினாவுக்கு ஜூலை 4- - 5 வரை அவர் செல்கிறார். இதையடுத்து, 'பிரிக்ஸ்' உச்சி மாநாட்டில் பங்கேற்க, ஜூலை 5- - 8 வரை பிரேசிலுக்கு பிரதமர் பயணம் மேற்கொள்வார். இறுதிக்கட்டமாக, ஜூலை 9ல், நமீபியாவுக்கு பிரதமர் மோடி செல்கிறார். அதை முடித்து, தாயகம் திரும்புகிறார்.