ஹைதராபாத்: 'தெலுங்கானாவும் ஆந்திராவும் எனது இரு கண்கள்' என ஆந்திர மாநில முதல்வரும், தெலுங்கு தேசம் கட்சியின் தலைவருமான சந்திரபாபு நாயுடு கூறினார்.

தெலுங்கானா மாநிலம் ஹைதராபாத்தில் கட்சி தொண்டர்கள் மத்தியில் சந்திரபாபு நாயுடு பேசியதாவது: தெலுங்கானாவில் நாங்கள் தேர்தலில் போட்டியிடவில்லை. ஆனால் தெலுங்கானாவில் எங்களுக்கு ஏராளமான தொண்டர்கள் உள்ளனர். இது தான் தெலுங்கு தேசம் கட்சியின் பலம். ஆந்திரா தேர்தலில் எனக்கு நேரடியாகவோ மறைமுகமாகவோ உழைத்திருக்கிறீர்கள். நான் ஒன்று சொல்ல விரும்புகிறேன். தெலுங்கானாவும் ஆந்திராவும் எனது இரு கண்கள். தெலுங்கு தேசம் கட்சி இரு மாநிலங்களும் செழிக்க வாழ்த்துகிறேன். இப்போது தெலுங்கானாவில் ​காங்கிரஸ் ஆட்சியில் உள்ளது.