5.32 லட்சம் பேர் வெளியேற்றம்!

உள்நாட்டு போர் அல்லது அரசியல் ஸ்திரதின்மை இல்லாத கியூபா, ஹைதி, நிகராகுவா, வெனின்சுலா ஆகிய நான்கு நாடுகளைச் சேர்ந்தவர்களுக்கு, இரண்டு ஆண்டுக்கான இடைக்கால பரோல் வழங்கும் திட்டம் அமெரிக்காவில் அறிமுகம் செய்யப்பட்டது. இதன்படி, இந்த நாடுகளைச் சேர்ந்த, 2022 அக்.,ல் இருந்து வந்தவர்களுக்கு விசா வழங்குவது அல்லது அகதிகளாக ஏற்றுக் கொள்வதில் முடிவு செய்யப்படும் வரை, இரண்டு ஆண்டுகள் வரை பரோல் முறையில் அமெரிக்காவில் தங்கியிருந்து வேலை பார்க்க அனுமதி அளிக்கப்பட்டது.இந்த தற்காலிக குடியேற்ற அந்தஸ்தை ரத்து செய்து, அமெரிக்க அதிபர் டொனால்டு டிரம்ப் உத்தரவிட்டுள்ளார். இதையடுத்து, இந்த நான்கு நாடுகளைச் சேர்ந்த, 5.32 லட்சம் பேர் வெளியேற்றப்படும் அபாயம் ஏற்பட்டுள்ளது. டிரம்பின் உத்தரவை எதிர்த்து வழக்குகள் தொடரப்பட்டுள்ளன.