பாக்.,கின் பயங்கரவாத ஆதரவு பற்றி விளக்க அனைத்துக் கட்சி எம்.பி.,க்கள் குழுவை, உலக நாடுகளுக்கு மத்திய அரசு அனுப்பியுள்ளது. இந்த குழுக்கள் இந்தியா - -பாக்., பிரச்னையுடன் தொடர்பில்லாத காங்கோ, லைபீரியா உள்ளிட்ட நாடுகளுக்கும் செல்கின்றன. இதனால் எந்த பயனும் இல்லை.

திருத்தம் தேவை!

'ஒரே நாடு; ஒரே தேர்தல்' குறித்து தீவிரமான விவாதம் நடத்தப்பட வேண்டும். இதற்காக ஒரு முறை அரசியலமைப்பு திருத்தம் கொண்டுவந்து முடிவு காண வேண்டும். அடிக்கடி நடக்கும் தேர்தல்கள், அரசு இயந்திரத்தின் செயல்பாட்டை பாதிக்கின்றன. தேர்தல் செலவுகளும் 1 லட்சம் கோடி ரூபாயை தாண்டியுள்ளது.

ஒப்பிட முடியாது!

பாகிஸ்தானுக்கு ரகசியமாக சென்று வந்த காங்கிரஸ் எம்.பி., கவுரவ் கோகோய் தன் பயணத்தை, பா.ஜ., மூத்த தலைவர்களான பிரதமர் மோடி, அத்வானி, ஜஸ்வந்த் சிங் பயணங்களுடன் ஒப்பிட முடியாது. அவர்கள் 40 --- 50 அதிகாரிகளுடன் அரசு முறை பயணமாக வெளிப்படையாகச் சென்றவர்கள்.