பாக்., ராணுவ தளபதி சதி

பஹல்காம் தாக்குதல் பாக்., ராணுவத்தால் திட்டமிடப்பட்ட சதி என, நம் வெளியுறவு அமைச்சர் ஜெய்சங்கர் குற்றஞ்சாட்டி உள்ளார். பேட்டியில் அவர் தொடர்ந்து பேசியதாவது:பஹல்காமில், சுற்றுலா பயணியர் குறிவைத்து கொல்லப்பட்டனர். ஹிந்துக்கள் என்பதை உறுதி செய்த பின் பயங்கரவாதிகள் சுட்டுக் கொன்றனர். இது மிக தெளிவாக திட்டமிட்டு செய்யப்பட்ட சதி. காஷ்மீர் பொருளாதார வளர்ச்சிக்கு காரணமான சுற்றுலாவை சிதைப்பதும், மத பிரிவினையை ஏற்படுத்துவதுமே பாக்., ராணுவத்தின் நோக்கம். அவர்களின் அறிவுறுத்தலின்படி தான் இந்த தாக்குதலை பயங்கரவாதிகள் நிகழ்த்தி உள்ளனர். பாக்., ராணுவ தளபதி ஆசிம் முனீரின் பேச்சுக்கும், பஹல்காம் தாக்குதலுக்கும் ஒரு ஒற்றுமையை காண முடியும்.இவ்வாறு அவர் கூறினார்.