நீங்கள் அனைவரும் நம் நாட்டை உற்சாகத்தாலும், கொண்டாட்டத்தாலும் நிரப்பி, நாட்டு மக்கள் அனைவரின் நம்பிக்கைகளையும் எதிர்பார்ப்புகளையும் நிறைவேற்றியுள்ளீர்கள். இது எங்களுக்கு மகிழ்ச்சியான விஷயம். உங்களுக்கு என் மனமார்ந்த வாழ்த்துக்கள்.

உங்களைச் சந்திக்க எங்களுக்கு இந்த வாய்ப்பை வழங்கியதற்கு நான் நன்றி தெரிவிக்க விரும்புகிறேன். ஆமதாபாத்தில் நடந்த 50 ஓவர் உலக கோப்பை பைனலின்போது, ​​நீங்களும் அங்கு வந்திருந்தீர்கள். அன்றைய தினம் நல்லபடியாக அமையவில்லை. ஆனால் தற்போது உலக கோப்பையை வென்ற இந்த மகிழ்ச்சியான தருணத்தில் உங்களைச் சந்திப்பதில் நாங்கள் மிகவும் மகிழ்ச்சியடைகிறோம். கேப்டன் ரோகித் உள்ளிட்ட அணியினர் காட்டிய போராட்ட மனப்பான்மையால் இது சாத்தியமானது. நமது அணியினர் இளைய தலைமுறையினருக்கு உத்வேகத்தை அளித்துள்ளனர் என்பது மிகவும் மகிழ்ச்சியான விஷயம்.

ஒன்றரை ஆண்டுகளுக்கு முன்பு எனக்கு ஒரு விபத்து ஏற்பட்டது. அது கடினமாக இருந்தது. அந்த சமயத்தில் நீங்கள் என் அம்மாவிற்கு கால் செய்து நலம் விசாரித்துள்ளீர்கள். இதனை என் அம்மா சொன்னபோது மன அமைதி கிடைத்தது. அதன்பிறகு, குணமடையும் போது, என்னால் விளையாட முடியுமா எனத் தெரியவில்லை. மீண்டும் கிரிக்கெட் விளையாடும் போது முன்பு விளையாடியதை விட இன்னும் சிறப்பான ஆட்டத்தை வெளிப்படுத்த வேண்டும் என நினைத்து ஒன்றரை ஆண்டுகளாக கடுமையாக உழைத்தேன்.

இந்தியாவுக்காக எப்போதெல்லாம் சூழ்நிலை கடினமாக இருக்கிறதோ, அந்த சூழ்நிலையில் நான் பந்து வீச வேண்டும். ஒரு வகையில் அணிக்கு என்னால் உதவ முடிகிறது என்றாலோ, என்னால் போட்டியை வெல்ல முடிந்தாலோ, எனக்கு அதிக நம்பிக்கை வருகிறது. அந்த நம்பிக்கையை முன்னெடுத்துச் செல்கிறேன். குறிப்பாக பைனலில் நான் கடினமான சூழல்களில் பந்துவீச வேண்டிய நிலை இருந்தது. இந்திய அணியின் வெற்றிக்கு உதவியதில் மகிழ்ச்சி.

கடந்த 6 மாதங்கள் எனக்கு பொழுதுபோக்காக இருந்தது. நிறைய ஏற்றத் தாழ்வுகள் இருந்தன; பொதுமக்கள் என்னைக் கொச்சைப்படுத்தினர். நிறைய விஷயங்கள் நடந்தன. கடினமாக உழைத்து, வலுவடைவேன் என்ற நம்பிக்கை எனக்கு இருந்தது.

பைனலின் இறுதி ஓவரில் கேட்ச் பிடித்தபோது, அந்த நிமிடம் பந்தைப் பிடிக்கலாமா வேண்டாமா என்று யோசிக்காமல், பந்து என் கையில் வந்தவுடன், அதை பிடித்து மறுபக்கம் வீச வேண்டும் என்று நினைத்தேன். அதனை முயற்சி செய்து கேட்ச் பிடித்தேன். இதுபோன்ற பீல்டிங்கில் நிறைய பயிற்சி செய்திருக்கிறோம். இவ்வாறு பேசினர்.