மருந்தியல் கவுன்சில்

தலைவர் வீட்டில் 'ரெய்டு'இந்திய மருந்தியல் கவுன்சில் தலைவராக மோன்டு எம்.படேல் உள்ளார். இவரது தலைமையிலான அதிகாரிகள், மருந்தியல் கல்லுாரிகளுக்கு முறைகேடாக ஒப்புதல் வழங்கியதாக புகார் எழுந்தது. மேலும், கல்லுாரிகளில் எந்தவிதமான ஆய்வும் நடத்தாமல் நற்சான்று அளித்ததும் தெரிய வந்தது. இது தொடர்பாக மத்திய சுகாதாரத் துறை செயலர் அளித்த புகாரின்படி மோன்டு எம்.படேல் மீது ஊழல் வழக்கு பதியப்பட்டது. இந்நிலையில், இந்த வழக்கு தொடர்பாக அவரது வீட்டில், சி.பி.ஐ., அதிகாரிகள் நேற்று அதிரடி சோதனை நடத்தினர். இதில் பல முக்கிய ஆவணங்கள் கைப்பற்றப்பட்டதாகக் கூறப்படுகிறது.