பின்னர் செய்தியாளர்களிடம் யோகி ஆதித்யநாத் கூறியதாவது: மொத்தம் 121 பக்தர்கள் உயிரிழந்துள்ளனர். அவர்கள் உ.பி., ஹரியானா, ம.பி., ராஜஸ்தானைச் சேர்ந்தவர்கள்; 6 பேர் பிற மாநிலங்களைச் சேர்ந்தவர்கள். காயமடைந்த 31 பேர் சிகிச்சை பெற்று வருகின்றனர், கிட்டத்தட்ட அனைவரும் ஆபத்தான நிலையில் உள்ளனர். நான் நேரில் சென்று பலருடன் பேசினேன். நிகழ்ச்சி முடிந்ததும், போலே பாபா என்ற சாமியார் மேடையிலிருந்து இறங்கிக் கொண்டிருந்தபோது, ​​திடீரென்று பல பெண்கள் அவரைத் தொட்டு வணங்க முன்னோக்கி சென்றுள்ளனர். அவர்களை தடுத்து நிறுத்தியதால், இந்த விபத்து நடந்துள்ளது.

ஹத்ராஸில் மீட்புப் பணியில் ஈடுபட்டிருந்த 30 வயது போலீஸ், சடலங்களை கண்டு, மாரடைப்பு ஏற்பட்டு உயிரிழந்தார்.