புதுடில்லி: நடப்பு நிதி ஆண்டிற்கான மத்திய பட்ஜெட்டில் தமிழகத்திற்கு தேவையான நிதி ஒதுக்கப்படவில்லை என்பது தவறான குற்றச்சாட்டு என்றும், இதுவரை ஒதுக்கப்பட்ட நிதி குறித்த விவரங்களை ரயில்வே அமைச்சர் அஸ்வினி வைஷ்ணவ் வெளியிட்டுள்ளார்.

2024 -25க்கான நிதி ஆண்டிற்கான பட்ஜெட்டில் 2.65 லட்சம் கோடி ஒதுக்கியிருப்பதாகவும், தமிழகத்திற்கு 6,362 கோடி ஒதுக்கப்பட்டுள்ளது. இது பா.ஜ., ஆளும் சில மாநிலங்களை விட அதிகம் ஆகும். இதனை விட பல மாநிலங்களுக்கு குறைவான நிதி ஒதுக்கப்பட்டுள்ளது. தமிழகத்தில் 3 ஆயிரம் கிலோ மீட்டர் தொலைவு பாதை அமைக்க சர்வே செய்யப்பட்டது. இது இன்னும் செயல்படுத்த முடியாமல் உள்ளது. 2,759 எக்டேர் நிலம் தேவைப்படுகிறது என தென்னக ரயில்வே கேட்டு கொண்டது.

ஆனால் தமிழக அரசு தற்போது 807 எக்டேர் நிலம் ஒதுக்கியது. இதற்கான 871 கி.மீட்டர் பாதை பணிகள் நடந்து வருகிறது. புதிய ரயில் பாதை திட்டத்தை செயல்படுத்த ஒத்துழைப்பு கிடைக்க வேண்டும். உள்ளூர் திட்டங்களான திண்டிவனம், திருவண்ணாமலை, திண்டிவனம்- நகரி, ஸ்ரீபெரும்புதூர்- கூடுவாஞ்சேரி, ஈரோடு - பழனி போன்ற ரயில்வே திட்டங்களுக்கு 2 மடங்கு நிதி அதிகரித்து ஒதுக்கப்பட்டுள்ளது. இவ்வாறு அமைச்சர் கூறினார்.

நடப்பாண்டுக்கான மத்திய பட்ஜெட்டில் மாநிலங்களுக்கு ரயில்வே திட்டங்களுக்கு ஒதுக்கப்பட்டுள்ள நிதி விவரங்கள் பின்வருமாறு: