மஹாராஷ்டிராவில் வெளியிட அனுமதி

ஹமாரே பாரா படத்துக்கு எதிராக, மும்பை உயர் நீதிமன்றத்தில் வழக்கு தொடரப்பட்டது. இதை விசாரித்த நீதிமன்றம், படத்தை வெளியிட இரு வாரங்களுக்கு தடை விதித்தது. மேலும், ஒரு முஸ்லிம் உறுப்பினர் உட்பட மூன்று பேர் அடங்கிய குழுவை நியமித்த நீதிமன்றம், திரைப்படத்தை பார்த்து அறிக்கை சமர்ப்பிக்கும்படி உத்தரவிட்டது. இந்நிலையில், நேற்று இந்த வழக்கு உயர் நீதிமன்றத்தில் விசாரணைக்கு வந்தது. அப்போது அந்த குழுவின் அறிக்கை சமர்ப்பிக்கப்பட்டது. இதனடிப்படையில் படத்துக்கு தடை விதிக்க மறுத்த நீதிமன்றம், படத்தில் இடம் பெற்றிருந்த இரு சர்ச்சைக்குரிய வசனங்களை நீக்கினால், படத்தை வெளியிடலாம் என பட தயாரிப்பு நிறுவனத்துக்கு அறிவுறுத்தியது. இதையடுத்து, சர்ச்சைக்குரிய வசனங்களை நீக்க பட தயாரிப்பு நிறுவனம் ஒப்புக் கொண்டது. தொடர்ந்து, திட்டமிட்டபடி ஜூன் 7ம் தேதியான நேற்று, கர்நாடகாவை தவிர மற்ற மாநிலங்களில் படம் வெளியானது.