இந்திய ஐபோன் ஏற்றுமதி 75% உயர்வு நடப்பு நிதியாண்டில் ஏப்ரல் - செப்டம்பர் காலகட்டத்தில், இந்தியாவில் தயாரிக்கப்பட்ட ஆப்பிள் ஐபோன் ஏற்றுமதி 88,730 கோடி ரூபாயை எட்டியுள்ளதாக தகவல்கள் தெரிவிக்கின்றன. இது கடந்த நிதியாண்டின் இதே காலத்தில் 50,248 கோடி ரூபாயாக இருந்த நிலையில், நடப்பாண்டு 75 சதவீதம் அதிகரித்துள்ளது. செப்டம்பர் மாதத்தில் புதிய ஐபோன் மாடல்கள் அறிமுகப்படுத்தப்படும் என்பதால் வழக்கமாக ஏற்றுமதி குறைவாகவே இருக்கும். இருப்பினும் நடப்பாண்டு செப்டம்பரில் ஏற்றுமதி 155 சதவீதம் அதிகரித்து 11,000 கோடி ரூபாயை எட்டியதாக தகவலறிந்த வட்டாரங்கள் தெரிவிக்கின்றன.