புதுடில்லி:நடப்பு நிதியாண்டின் முதல் மாதமான கடந்த ஏப்ரலில், முக்கிய எட்டு உள்கட்டமைப்பு துறைகளின் வளர்ச்சி 0.50 சதவீதமாக சரிந்துள்ளதாக, மத்திய அரசு தரவுகள் தெரிவிக்கின்றன. இது கடந்தாண்டு ஏப்ரலில் 6.90 சதவீதமாகவும், கடந்த மார்ச்சில் 4.60 சதவீதமாகவும் இருந்தது. கடந்தாண்டு ஆகஸ்டுக்கு பிறகு இதுவே மிகக்குறைந்த வளர்ச்சியாகும்.

எட்டு முக்கிய துறைகளில், நிலக்கரி, கச்சா எண்ணெய், இயற்கை எரிவாயு, பெட்ரோலிய சுத்திகரிப்பு பொருட்கள், உரம், உருக்கு, சிமென்ட், மின்சாரம் ஆகியவை அடங்கும். இதில் சுத்திகரிக்கப்பட்ட பொருட்கள், உரம் ஆகிய துறைகளின் வளர்ச்சி மைனஸ் நிலையில் இருந்தது. மின்சாரத் துறை வெறும் 1 சதவீதம் மட்டுமே வளர்ச்சியடைந்திருந்தது. கடந்த மார்ச் மாதத்துடன் ஒப்பிடுகையில் நிலக்கரி, இயற்கை எரிவாயு துறைகளின் வளர்ச்சி மட்டுமே சற்று அதிகரித்துள்ளது.