புதுடில்லி: காலநிலை மாற்றத்தை கட்டுப்படுத்தத் தவறினால், இந்தியாவின் ஏற்றுமதி பெரும் பாதிப்புக்குள்ளாகும் என சர்வதேச ஆலோசனை நிறுவனமான பி.சி.ஜி., எனும் 'போஸ்டன் கன்சல்டிங் குரூப்' எச்சரித்துள்ளது.

குறிப்பாக இரும்பு, ஸ்டீல் மற்றும் அலுமினியம் போன்ற தொழில்கள், வெளிநாடுகள் விதிக்கும் புதிய சுற்றுச்சூழல் கட்டுப்பாடுகள் மற்றும் வரிகளால் அதிக நஷ்டத்தை சந்திக்க நேரிடும் என தெரிவித்துள்ளது.

காலநிலை மாற்றத்தால் ஏற்படும் இயற்கை பேரிடர்களால், வரும் 2030க்குள் இந்தியாவின் மொத்த உள்நாட்டு உற்பத்தியில் 4.50 சதவீதம் வரை இழப்பு ஏற்பட வாய்ப்புள்ளதாகவும்; எம்.எஸ்.எம்.இ., நிறுவனங்கள் இதனால் அதிக பாதிப்பை உணரும் என்றும் கூறியுள்ளது.