விவேக் ஓபராய்க்கு விருந்தளித்த பிரித்விராஜ்

பாலிவுட் ஹீரோவான விவேக் ஓபராய் தமிழில் ரத்த சரித்திரம், விவேகம் ஆகிய படங்களில் நடித்த பிறகு தென்னிந்திய அளவில் அதிகம் தேடப்படும் மோஸ்ட் வான்டட் வில்லன் நடிகராக மாறிவிட்டார். கடந்த இரண்டு வருடங்களுக்கு முன்பு மலையாளத்தில் நடிகர் பிரித்விராஜ் முதன்முறையாக இயக்குனராக மாறி இயக்கிய லூசிபர் படத்தில் மோகன்லாலுக்கு வில்லனாக நடித்தார் விவேக் ஓபராய். அந்த நட்பின் அடிப்படையில் தற்போது ஷாஜி கைலாஷ் டைரக்ஷனில் தான் நடித்து வரும் கடுவா என்கிற படத்திலும் விவேக் ஓபராயை வில்லனாக்கி அழகு பார்த்திருக்கிறார் பிரித்விராஜ்

இந்த படத்தின் படப்பிடிப்பு தற்போது நிறைவடைந்துள்ளது. இதை கொண்டாடும் விதமாக, பிரித்விராஜ் விவேக் ஓபராய்க்கு விருந்தளித்து உபசரித்து விடைகொடுத்து அனுப்பி வைத்துள்ளார். பிரித்விராஜ் மற்றும் அவர் மனைவியுடன் விவேக் ஓபராய் எடுத்துக்கொண்ட புகைப்படம் ஒன்றை பிரித்விராஜின் மனைவி சுப்ரியா மேனன் சோசியல் மீடியாவில் பகிர்ந்து இந்த தகவலை வெளியிட்டுள்ளார்