பழம்பெரும் நடிகை மினு மும்தாஜ் காலமானார்

பழம்பெரும் பாலிவுட் நடிகை மினு மும்தாஜ். 1950 மற்றும் 60 களில் பிரபலமாக இருந்தவர். திரைப்படங்களில் நடன நடிகையாகவும், நடன இயக்குனராகவும் பணியாற்றி நடிகை ஆனவர். முகல் ஏ ஆசம் படத்தில் இடம் பெற்ற, ஜப் ராத் ஹே ஹைசி மத்வாலி என்ற பாடலில் இவருடைய நடனம் அப்போது பரபரப்பாகப் பேசப்பட்டது.

முதுமை காரணமாக சினிமாவை விட்டு விலகி கனடாவில் உள்ள டொரண்டோ நகரில் மகள் வீட்டில் வசித்து வந்தார். அவருக்கு புற்று நோய் பாதிப்பு ஏற்பட்டு, அதற்கான சிகிச்சை பெற்று வந்தார். இந்த நிலையில் சிகிச்சை பலன் இன்றி காலமானார். அவரது உடல் அங்கேயே அடக்கம் செய்யப்பட்டது. அவரது மறைவு சில நாட்களுக்கு பிறகே தெரியவந்துள்ளது. மினு மும்தாஜுக்கு கணவர் அலி அக்பர், ஒரு மகன், மற்றும் மூன்று மகள்கள் உள்ளனர்.