சிவகுமாரை பாராட்டிய குமாரசாமி மத்திய கனரக தொழில் அமைச்சர் குமாரசாமி, துணை முதல்வர் சிவகுமார் அரசியல் எதிரிகளாக உள்ளனர். நீண்ட நாட்களுக்கு பிறகு, இருவரும் நேற்று ஒரே மேடையை பகிர்ந்து கொண்டனர். நிர்மலானந்தநாத சுவாமியின் இடதுபக்க இருக்கையில் சிவகுமாரும், வலதுபக்க இருக்கையில் குமாரசாமியும் அமர்ந்து இருந்தனர். இருவரும் பேசி கொள்ளவில்லை என்றாலும், அடிக்கடி ஒருவரையொருவர் பார்த்துக் கொண்டனர். ஜாதிவாரி கணக்கெடுப்பில் உள்ள குளறுபடி குறித்து, அமைச்சரவை கூட்டத்தில் கேள்வி எழுப்பியதற்காக, சிவகுமாரை பாராட்டி குமாரசாமி பேசினார். அப்போது அனைத்து தலைவர்களும் கைதட்டி வரவேற்றனர். அதுபோல நிகில் குமாரசாமியுடன் கைகுலுக்கி சிவகுமார் சகஜமாக பேசினார்.