ஹை கமாண்ட் யார்?

காங்கிரசின் கோலார் எம்.எல்.ஏ., கொத்துார் மஞ்சுநாத், எம்.எல்.சி., அனில்குமார் ஆகியோர் பங்கார்பேட்டை காங்., - எம்.எல்.ஏ., எஸ்.என்.நாராயணசாமிக்கு எதிராக செயல்பட துவங்கி உள்ளனர்.எனவே, 'எங்கள் ஹை கமாண்ட் ரமேஷ் குமார் தான். அவர் அறிவித்துள்ள 13 பேரையும் நாங்கள் வெற்றி பெற செய்வோம்' என, இவர்கள் தெரிவித்துள்ளனர்.இதற்கு பதிலடி கொடுக்கும் வகையில் பங்கார்பேட்டை காங்கிரஸ் எம்.எல்.ஏ., எஸ்.என்.நாராயணசாமி கூறுகையில், ''மாநில காங்கிரஸ் தலைவர் டி.கே.சிவகுமார், முதல்வர் சித்தராமையா, காங்கிரஸ் தேசிய தலைவர் மல்லிகார்ஜுன கார்கே, சோனியா, ராகுல் ஆகியோர் தான், 'எங்களுக்கு ஹை கமாண்ட்'. ரமேஷ் குமாரை ஏற்க முடியாது. வயதில் மூத்தவர் என்பதால் அவரை கவுரவிக்கிறோம். அவர், ஹை கமாண்ட் என்றால், எங்கள் அனைவரையும் அழைத்து பேசியிருக்க வேண்டும். ஆனால் அவர் அப்படி செய்யவில்லை,'' என்றார்.இதனால் ரமேஷ் குமார் அணியினர் பெரும் அதிருப்தியில் உள்ளனர்.