சென்னை, நந்தனம், ஒய்.எம்.சி.ஏ., உடற்கல்வியியல் கல்லுாரி சார்பில், அதன் நிறுவனர் ஹாரி குரோ பக்கை நினைவுகூரும் வகையில், 'பக்' கோப்பைக்கான விளையாட்டு போட்டிகள் நடந்து வருகின்றன.

வாலிபால், தடகளம் உட்பட 18 போட்டிகளில் 5,000 மாணவ - மாணவியர் பங்கேற்றுள்ளனர். ஆடவருக்கான கால்பந்து இறுதிப் போட்டி நேற்று நடந்தது.

ஒய்.எம்.சி.ஏ., மற்றும் லயோலா அணிகள் மோதின. பலம் வாய்ந்த இரு அணிகளும், போட்டியின் துவக்கத்தில் இருந்தே சமநிலையில் வந்தனர். முடிவில், 7 - 6 என்ற கணக்கில் ஒய்.எம்.சி.ஏ., கல்லுாரி வெற்றி பெற்று, சாம்பியன் கோப்பையை வென்றது. மற்ற போட்டிகள் நடக்கின்றன.