சென்னை, திருவொற்றியூர் மத்திய பகுதி தி.மு.க., சார்பில், முன்னாள் முதல்வர் கருணாநிதி பிறந்த நாளை ஒட்டி நலத்திட்ட உதவிகள் வழங்கும் விழா, மணலியில் நடந்தது. தி.மு.க., கொள்கை பரப்பு செயலரும், தமிழ்நாடு பாடநுால் கழக தலைவருமான திண்டுக்கல் லியோனி பங்கேற்றார்.

லியோனி பேசுகையில், 'அண்ணா பல்கலைக்கழக மாணவி பாலியல் பலாத்கார விவகாரத்தில், மூன்று பெண் ஐ.பி.எஸ்., அதிகாரிகளை நியமித்து விசாரித்து, 57 நாட்களில் குற்றவாளிக்கு ஆயுள் தண்டனை பெற்று கொடுத்தது தி.மு.க., அரசு. பெண்களுக்கு மாதம் 1,000 ரூபாய் கொடுப்பதால், அவர்கள் குடும்ப செலவுகளை பார்த்து கொள்கின்றனர். ஆண்களுக்கு கொடுத்திருந்தால், அது டாஸ்மாக் சென்றிருக்கும்' என்றார்.

இதைக் கேட்ட பார்வையாளர் ஒருவர், 'இன்னைக்கு விற்கிற விலைவாசியில, 1,000 ரூபாய்ல குடும்ப செலவை சமாளிக்க முடியுமா...' என முணுமுணுக்க, அருகில் இருந்தவர்கள் ஆமோதித்தனர்.