சென்னை, மாநகராட்சி, ராயபுரம் மண்டல குழு கூட்டம், தி.மு.க.,வைச் சேர்ந்த மண்டல குழு தலைவர் ஸ்ரீராமுலு தலைமையில் நடந்தது. இதில், 61வது வார்டு இந்திய யூனியன் முஸ்லிம் லீக் கட்சி கவுன்சிலர் பாத்திமா முசாபர் பேசுகையில், 'புதுப்பேட்டையில் நாய் தொல்லை அதிகமாக உள்ளது. பள்ளி குழந்தைகள், பெண்கள் பாதுகாப்பாக வெளியே போக முடியவில்லை. நாய் கடியில் இருந்து மக்களை பாதுகாக்க வேண்டும்' என்றார்.

இதற்கு பதிலளித்த மண்டல குழு தலைவர், 'கருத்தடை செய்யப்பட்ட நாய்கள் தான் குட்டி போடுது... உண்மையில் நாய்களுக்கு கருத்தடை செய்கின்றனரா என டவுட்டா இருக்கு...' என்றார்.

குசும்புக்கார கவுன்சிலர் ஒருவர், 'ரோடு, கால்வாய் வேலைக்கு தரக்கட்டுப்பாட்டு சோதனை நடத்தி தவறை கண்டுபிடிக்கலாம்... நாய் கருத்தடை விஷயத்தில் எப்படி தவறை கண்டுபிடிப்பது...?' என கேட்க, சக கவுன்சிலர், 'மறுபடியும் குட்டி போடுதான்னு தான் பார்க்கணும்...' என, 'கமென்ட்' அடித்து சிரித்தார்.