வாயுக்களின் கலவையே காற்று. பூமியின் வளிமண்டலத்தில் நைட்ரஜன் 78%, ஆக்சிஜன் 21% உள்ளது. மீதி ஒரு சதவீதத்தில் கார்பன் டை ஆக்சைடு, நியான், ஹைட்ரஜன், ஹீலியம் உள்ளிட்டவை உள்ளன. காற்றை பார்க்க முடியாது. சுவை கிடையாது. மணமற்றது. சில மாசுக்களுடன் சேரும் போது வாசனை தருகிறது. காற்றுக்கு எடை உண்டு. மனிதர்கள் உள்ளிட்ட உயிரினங்கள் ஆக்சிஜனை சுவாசித்து கார்பன் டை ஆக்சைடை வெளியிடுகின்றன. ஒளிச்சேர்க்கையில் தாவரங்கள், கார்பனை எடுத்து, ஆக்சிஜனை வெளியிடுகின்றன. ஈரப்பதம் மூலம் காற்று, தண்ணீரை பிடித்திருக்கும்.