குழந்தைகளை நோய்களில் இருந்து காப்பதில் தடுப்பூசி முக்கிய பங்கு வகிக்கிறது. இந்நிலையில் பெரும்பாலான நாடுகளில் தடுப்பூசி செலுத்தும் விகிதம் குறைந்து வருகிறது என 1980 - 2023 வரை, 204 நாடுகளின் தடுப்பூசி தரவுகளை ஆய்வு செய்து, அமெரிக்காவின் வாஷிங்டன் பல்கலை வெளியிட்டுள்ளது. இதில் 'தட்டம்மை' தடுப்பூசி பயன்பாடு அமெரிக்கா, பிரிட்டன் உட்பட 100 நாடுகளில் குறைந்துள்ளது. கொரோனா பரவல், தடுப்பூசி குறித்த தவறான தகவல் உள்ளிட்டவை இதற்கு முக்கிய காரணம். உலகில் தடுப்பூசியால் ஆண்டுக்கு 15 கோடி குழந்தைகள் காப்பாற்றப்படுகின்றனர் என தெரிவித்துள்ளது.