வடிவேலு

நடிகர், காமெடியன்ல பாடகர் என பல பரிமாணங்களுடன் தமிழ் சினிமாவின் முன்னணி காமெடியனாக வலம் வரும் வடிவேலு, மதுரையைச் சேர்ந்தவர். 1991ம் ஆண்டு கஸ்தூரி ராஜா இயக்கிய என் ராசாவின் மனசிலே படத்தின் மூலம் தமிழ் சினிமாவிற்குள் வந்த வடிவேலு, பின்னர் கவுண்டமணி-செந்தில் ஜோடியுடன் இணைந்து காமெடி வேடங்களில் நடித்து வந்தார். 1994ம் ஆண்டு காதலன் படத்திற்கு பின் முன்னணி காமெடியனாக உருவெடுத்தார். பிரண்ட்ஸ், பாரதி கண்ணம்மா, வெற்றி கொடிகட்டு, வின்னர், கிரி, தலைநகரம், சந்திரமுகி உள்ளிட்ட படங்களின் மூலம் புகழின் உச்சிக்கு சென்ற வடிவேலு, இம்சை அரசன் 23ம் புலிகேசி படத்தின் மூலம் ஹீரோ ஆனார். இதுவரை 250க்கும் மேற்பட்ட படங்களில் நடித்துள்ள வடிவேலு, 5 முறை தமிழக அரசின் சிறந்த நகைச்சுவை நடிகர் விருதை பெற்றுள்ளார்.s