மாதவன்

தமிழ் சினிமாவின் பல இளம்பெண்களின் தூக்கத்தை கெடுத்தவர் நடிகர் மாதவன். மேடி என்ற அடைமொழியோடு தமிழ், இந்தி, அங்கிலம் உள்ளிட்ட பல மொழிகளில் நடித்துவிட்டார். 1970ம் ஆண்டு ஜூன் 1ம் தேதி, ஜார்கண்ட் மாநிலம் ஜாம்ஷெட்பூரில் பிறந்தவர் தமிழர் மாதவன். ஆரம்பத்தில் டெலிவிஷன் மற்றும் விளம்பர படங்களில் நடித்து வந்த மாதவன், மணிரத்னம் இயக்கிய அலைபாயுதே படத்தின் மூலம் தமிழ் சினிமாவில் ஹீரோவாக அறிமுகமானார். தொடர்ந்து பல வெற்றி படங்களில் நடித்து இளம் பெண்களின் கனவு நாயகனாக வலம் வந்தார். தமிழ் மட்டுமல்லாது இந்தியிலும் பல சூப்பர் ஹிட் படங்களில் நடித்து பிரபலமானார். தமிழ், இந்தி தவிர்த்து கன்னடம் மற்றும் ஆங்கில படங்களிலும் நடித்திருக்கிறார்.