ஒருவரின் வாழ்க்கைத் தரத்தை உயர்த்துவதில் வியாபாரத்திற்கு பெரும் பங்குண்டு. இதில் சிலர் பதுக்கல், எடைக்குறைப்பு, கலப்படம் போன்ற ஒழுக்கமில்லாத செயல்களை செய்கின்றனர். இதனால் மறுமையில் சொர்க்கத்திற்கு செல்லும் அரிய வாய்ப்பை இவர்கள் இழக்கின்றனர்.

பிறரிடம் கையேந்தாமல் நேர்மையான வழிகளில் பொருளீட்டுவதற்கு இறைவனால் வகுத்த பாதைதான் வியாபாரம். அந்தப்பாதையில் வழிமாறிப்போகலாமா... அப்படிப் போனால் உங்களுக்கு ஏதாவது கிடைக்குமா என்றால் அதுவும் இல்லை. பிறகு எதற்காக தவறான பாதைக்கு செல்ல வேண்டும். பணத்திற்காக வாடிக்கையாளர்களின் நம்பிக்கையில் விளையாடாதீர்கள்.

'உன் வாழ்நாளை எப்படி கழித்தாய்.. பொருளை எவ்வாறு ஈட்டினாய்.. பிறகு அதை எதற்காக செலவிட்டாய்' என மறுமையில் கேள்வி கேட்கப்படும். எப்போது வேண்டுமானாலும் அந்த தேர்வு உங்களுக்கு வைக்கப்படலாம். அதற்கு தயாராக இருங்கள்.