தேவையானவை:

பச்சரிசி - 1 கப்

பாசிப்பருப்பு - 1 டேபிள் ஸ்பூன்

வெல்லம் - 3 / 4 கப்

தேங்காய் துருவல் - 4 டேபிள் ஸ்பூன்

நெய் - 3 டேபிள் ஸ்பூன்

ஏலக்காய் - 2 (துாளாக்கியது)

செய்முறை: பாசிப்பருப்பை வெறும் வாணலியில் சிவக்க வறுக்கவும். பின்பு அரிசியை நன்கு வறுக்கவும். மிக்ஸியில் பருப்பு, அரிசியை ரவை போல் பொடியாக்கி கொள்ளவும். அடுப்பில் பாத்திரத்தை வைத்து, 2 டம்ளர் தண்ணீர் வைத்து வெல்லத்தை கரைய விடவும். நன்கு கரைந்தும் வடிகட்டி, கொதிக்க ஆரம்பித்ததும், நெய் விட்டு, பொடி செய்த ரவைகளை சேர்க்கவும்.

அடுப்பை குறைத்து கட்டி சேராமல் நன்றாக கிளறவும். வேண்டுமானால் கொஞ்சம் தண்ணீர் தெளித்து கொள்ளலாம். சிறிது நேரம் மூடியால் மூடி வேகவிடவும். நடுநடுவே கிளறி விடலாம். வெந்ததும் தேங்காய் துருவல், ஏலப்பொடி துாவி இறக்கவும்.