பிப்.28 மாசி 16: கோயம்புத்துார் கோனியம்மன் சிம்ம வாகனத்தில் பவனி. திருவள்ளூர் வீரராகவப் பெருமாள், சென்னை திருவல்லிக்கேணி பார்த்தசாரதி பெருமாள் தெப்பம். திருக்கோகர்ணம், காளஹஸ்தி, ஸ்ரீசைலம், திருவைகாவூர் சிவபெருமான் திருக்கல்யாணம். கோட்செங்கட்சோழ நாயனார் குருபூஜை. கரிநாள்.

மார்ச் 1 மாசி 17: சந்திர தரிசனம்.கரிநாள். மன்னார்குடி ராஜகோபாலசுவாமி, காஞ்சிபுரம் வரதராஜப்பெருமாள், ஒப்பிலியப்பன் சீனிவாசப் பெருமாளுக்கு திருமஞ்சனம்.

மார்ச் 2 மாசி 18: முகூர்த்த நாள். மதுரை கூடலழகர் உற்ஸவம் ஆரம்பம். திருப்பதி பெருமாள் மைசூரு மண்டபம் எழுந்தருளல். திருநெல்வேலி நெல்லையப்பர், காந்திமதியம்மன் தாமிரபரணி ஆற்றில் திருமஞ்சனம்.

மார்ச் 3 மாசி 19: முகூர்த்த நாள். சதுர்த்தி விரதம். திருச்செந்துார், பெருவயல், காங்கேயம் தலங்களில் உற்ஸவம் ஆரம்பம். மிலட்டூர் விநாயகர் புறப்பாடு.

மார்ச் 4 மாசி 20: கும்பகோணம் சக்கரபாணி உற்ஸவம் ஆரம்பம். வேதாரண்யம், விருத்தாச்சலம், திருவெண்காடு சிவபெருமான் புறப்பாடு. திருத்தணி முருகப்பெருமான் பால் அபிஷேகம்.

மார்ச் 5 மாசி 21: சஷ்டி, கார்த்திகை விரதம். திருப்போரூர் முருகப்பெருமான் பிரணவ மந்திர உபதேசம். திருப்பரங்குன்றம் முருகன் கோயிலில் உற்ஸவம் ஆரம்பம். திருச்செந்துார் சுவாமி பூங்கோயில் சப்பரம், அம்மன் கேடய சப்பரம்.

மார்ச் 6 மாசி 22: மதுரை கூடலழகர் கஜேந்திர மோட்சம். வாஸ்து நாள், காலை 10:32 - 11:08 மணி வரை மனை, மடம், கோயில் வாஸ்து செய்ய நல்ல நேரம். காரமடை அரங்கநாதர், திருக்கண்ணபுரம் சவுரிராஜப்பெருமாள் உற்ஸவம் ஆரம்பம்.