இந்திய அரசின் தூர்தர்ஷன் தமிழ் (பொதிகை) தொலைக்காட்சியின் “தமிழ்ப்பாலம்” நிகழ்ச்சித் தொகுப்பாளர், கவிஞர் விஜயகிருஷ்ணன் தற்போது அமெரிக்கா வந்துள்ளதால், அவருடன் உரையாடும் அரிய வாய்ப்பு எனக்குக் கிடைத்தது. அவர் பகிர்ந்த தகவல்களை அடிப்படையாகக் கொண்டு, தமிழ்ப்பாலம் நிகழ்ச்சி குறித்து நான் எழுதிய கட்டுரை இங்கே.

உலகம் முழுவதும் பரந்து வாழும் தமிழர்கள், தங்கள் தாய்மொழியையும் பண்பாட்டையும் மறக்காமல் பேணிக்காக்கும் ஒரு சிறப்பு நிகழ்ச்சியாக 'தமிழ்ப்பாலம்' உருவாக்கப்பட்டுள்ளது. தூர்தர்ஷன் பொதிகை 2024 ஜனவரி மாதம் 'தூர்தர்ஷன் தமிழ்' என்று பெயர் மாற்றம் பெற்றபோது அயலகத் தமிழர்கனின் சாதனைப் பணிகளைப் பாராட்டும் தளமாக ' தமிழ்ப் பாலம் '' என்னும் புதிய நிகழ்ச்சி தொடங்கபட்டது. இது, வெளிநாட்டில் வாழும் தமிழர்களின் சாதனைகளையும், தமிழ் மொழி பாரம்பரியத்தை உலகளவில் பரப்புவதையும் நோக்கமாகக் கொண்டுள்ளது.

நிகழ்ச்சியின் நோக்கங்கள்

தமிழ்ப்பாலம் நிகழ்ச்சி பல்வேறு முக்கிய நோக்கங்களை கொண்டுள்ளது:

1.வெளிநாடு வாழ் தமிழர்களின் சாதனைகளை வெளிப்படுத்துதல் - உலகம் முழுவதும் தமிழர்கள் பல்வேறு துறைகளில் சாதனைகளைப் படைத்துள்ளனர். அவர்களின் முயற்சிகளை பாராட்டுவதற்கும் ஊக்குவிப்பதற்கும் இது ஓர் அரிய வாய்ப்பாகும்.

2.தமிழ் மொழி/கலாச்சாரத்தை ஊக்குவித்தல் - இந்நிகழ்ச்சி, தமிழ் மொழி, இலக்கியம், கலை, இசை, நடனம், மற்றும் பாரம்பரிய திருவிழாக்களை உலகளவில் ஊக்குவிக்க உதவுகிறது.

3.உலகத் தமிழர்களுக்கு ஒற்றுமையை ஏற்படுத்துதல் - வெளிநாட்டில் வாழும் தமிழர்களுக்குள் ஒருமைப்பாடு ஏற்படுத்த, கலாச்சார உறவுகளை வலுப்படுத்த முக்கிய தளமாக தமிழ்ப்பாலம் விளங்கும்.

4.அறிவுப் பகிர்வுக்கான மேடையாக செயல்படுதல் - இந்நிகழ்ச்சி, தமிழ் மொழியில் அறிவியல், கல்வி, சமூக வளர்ச்சி தொடர்பான விவாதங்களை நடத்துவதற்கான மேடையாக விளங்கும்.

நிகழ்ச்சியின் அமைப்பு

தமிழ்ப்பாலம் நிகழ்ச்சி பல்வேறு முக்கிய அம்சங்களை உள்ளடக்கியதாக இருக்கும். வெளிநாட்டில் வாழும் தமிழர்கள் தங்கள் சமூகத்தில் நடத்தும் முக்கிய நிகழ்வுகளின் உயர் தர காணொளிகளை அனுப்பலாம். இதில் அடங்கும் பகுதிகள்:

•மொழி/கலாச்சாரப் பட்டறைகள் - தமிழ் மொழி கற்றல், மொழிபெயர்ப்பு, கலாச்சார விழிப்புணர்வு நிகழ்ச்சிகள்.

•இலக்கிய நிகழ்வுகள் - கவியரங்குகள், புதினங்களின் வெளியீடு, சிறுகதை வாசிப்புகள்.

•கல்வி வளர்ச்சி நடவடிக்கைகள் - தமிழர் அமைப்புகளால் நடத்தப்படும் கல்வி உதவித்தொகை வழங்கல், கல்வி கருத்தரங்குகள்.

•இசை/நடன நிகழ்ச்சிகள் - பாரம்பரிய தமிழ் இசை மற்றும் நடன நிகழ்ச்சிகள்.

•பாரம்பரிய திருவிழாக்கள் - தீபாவளி, பொங்கல், தமிழ் புத்தாண்டு போன்ற விழாக்களின் கொண்டாட்டங்கள்.

•கலை கண்காட்சிகள் - ஓவியம், சிற்பக்கலை, தமிழ் கலைஞர்களின் சிறப்பு கண்காட்சிகள்.

•சமூக நலப் பணிகள் - மருத்துவ முகாம்கள், உதவி வழங்கும் திட்டங்கள்.

•வெளிநாட்டு வாழ் தமிழர்களின் சாதனைகள்/நேர்காணல்கள் - வெற்றிகரமாக தமிழ் பண்பாட்டை பரப்பும் முக்கியமான தமிழர்களின் நேர்காணல்கள்.

காணொளிகளின் தேர்வு மற்றும் ஒளிபரப்பு

தமிழ்ப்பாலத்திற்கு அனுப்பப்படும் வீடியோக்கள் தூர்தர்ஷன் தமிழ் குழுவால் மதிப்பீடு செய்யப்பட்டு, தரம், உள்ளடக்க முக்கியத்துவம், மற்றும் தகுதிகளை பூர்த்தி செய்தவையாக இருக்க வேண்டும்.

முதன்மைத் தேர்வு நிலைகள்:

•வெளிநாட்டில் வாழும் தமிழர்களின் சாதனைகளை முன்னிலைப்படுத்தும் காணொளிகள்.

•தமிழ் மொழி மற்றும் பாரம்பரியத்தைக் கொண்டாடும் நிகழ்ச்சிகள்.

•தரமான தயாரிப்பு, புகைப்படக்கலையும் ஒலிப்பதிவும் சிறப்பாக அமைந்திருக்க வேண்டும்.

•Doordarshan Thamizh தொலைக்காட்சி தரநிலைகளை பூர்த்தி செய்யும் வீடியோக்கள்.

தேர்வு செய்யப்பட்ட வீடியோக்கள் தூர்தர்ஷன் தமிழ் தொலைக்காட்சியிலும், அதன் யூடியூப் சேனலிலும் ஒளிபரப்பப்படும்.

தமிழ்ப்பாலத்தின் பலன்கள்

•தமிழ் மொழி மற்றும் பாரம்பரியத்தின் மீது உலகளவில் அதிக விழிப்புணர்வு ஏற்படும்.

•வெளிநாட்டில் வாழும் தமிழர்களுக்குள் ஒற்றுமை அதிகரிக்கும்.

•தமிழர்களின் சாதனைகளை உலகளவில் வெளிப்படுத்த வாய்ப்பு கிடைக்கும்.

•இந்திய சமூகத்துடன் வெளிநாட்டு வாழ் தமிழர்கள் உறவுகளை வலுப்படுத்தலாம்.

•இளைய தலைமுறைக்கு தமிழ் பண்பாட்டின் முக்கியத்துவத்தை எடுத்துக்காட்டும்.

பங்குபெறும் முறை

1.உங்கள் சமூகத்தில் நிகழ்ந்த தமிழ் விழாக்களின் உயர் தர வீடியோக்களை பதிவு செய்ய வேண்டும்.

2.நிகழ்ச்சியின் விவரங்களை (பங்கேற்பாளர்கள், ஏற்பாட்டாளர்கள், நிகழ்ச்சியின் நோக்கம்) சேர்க்க வேண்டும்.

3.வீடியோவை submit.tamilpaalam@gmail.com என்ற மின்னஞ்சல் முகவரிக்கு அனுப்ப வேண்டும்.

+919444039126

இரண்டாவது வருடத்தில் வெற்றிகரமாக நடக்கும் தமிழ்ப்பாலம் நிகழ்ச்சி, தமிழர்களுக்கான ஓர் அரிய வாய்ப்பாகும். இது, உலகத் தமிழர்களை ஒன்றிணைக்கும் ஒரு புதிய முயற்சியாக, தமிழ் மொழியையும் பாரம்பரியத்தையும் அடுத்த தலைமுறைக்கு கொண்டு செல்லும் ஒரு முக்கிய நிகழ்வாக விளங்கும். உலகம் முழுவதும் தமிழர்கள் இணைந்து, தங்கள் பணிகளை பகிர்ந்து கொள்ளும் இந்த முயற்சியில் உங்களின் பதிவாக அயலகத் தமிழர்கள்

இந்த தளத்தைப் பயன்படுத்திக் கொள்ளலாம்!

- நமது செய்தியாளர் முருகவேலு வைத்தியநாதன்