இவர் 'செல்லமே' பக்கத்திற்காக, நம்மிடம் பகிர்ந்தவை:

 இது, பிரிட்டிஷ் நாட்டை சேர்ந்த சிறிய வகை நாய். உடல் முழுக்க மென்மையான முடிகளுடன், தொங்கும் காது, நீண்ட மூக்கு, பெரிய, வட்டமான கண்கள் என, பார்க்கவே பொம்மை மாதிரி இருக்கும்.

 அதிகபட்சம் 40-43 செ.மீ., உயரம், 8 கிலோ வரை எடை கொண்டது. இதன் சராசரி ஆயுட்காலம் 9-14 ஆண்டுகள். நன்கு பராமரித்தால், அதிக ஆண்டுகள் உயிர்வாழும்.

 வீட்டிற்குள் சிறிய இடத்திலும் இதை வளர்க்கலாம். சுறுசுறுப்பாக இருப்பதோடு, தன் இருப்பிடத்தை எப்போதும் கண்காணித்து கொண்டே இருக்கும். இதன் அனுமதியின்றி யாரும் வீட்டிற்குள்ளே நுழைய முடியாது.

 உரிமையாளருடன் எளிதில் நெருங்கிவிடும். குழந்தைகள் இருக்கும் வீட்டில் இதை வளர்த்தால், எப்போதும் விளையாடி கொண்டே இருக்கும். இதை எங்கே வேண்டுமானாலும் எடுத்து செல்லலாம்.

 அதிக முடி இருப்பதால், தினசரி சீவி விடுவது அவசியம். அனைத்து தட்பவெப்ப சூழலையும் தாங்கி கொள்ளும். வீட்டிற்குள் இருக்கவே அதிகம் விரும்பும்.

 இது புத்திசாலியான பப்பி என்பதால், எதையும் எளிதில் கற்று கொள்ளும். உங்களின் வாழ்வியல் முறைக்கேற்ப அதற்கு பயிற்சி வழங்கலாம்.

 ஸ்பானியல் இன குழுவை சேர்ந்த இப்பப்பியை பிரிட்டன் மன்னர் இரண்டாம் சார்லஸ், செல்லப்பிராணியாக வைத்திருந்ததால் தான், இதற்கு கவாலியர் கிங் சார்லஸ் ஸ்பானியல் என்ற பெயர் வந்ததாக கூறப்படுகிறது.

 இதேபோல, 18ம் நுாற்றாண்டில், லண்டனில் உள்ள மார்ல்பரோ பகுதியை ஆட்சியை செய்த ஜான் சர்ச்சில், சிவப்பு மற்றும் வெள்ளை நிறம் கொண்ட கிங் சார்லஸ் ஸ்பானியல்களை, வேட்டையாடுவதற்கு வைத்திருந்தார் என வரலாற்று ஆசிரியர் டியூக் பதிவு செய்துள்ளார்.

 இப்பப்பி பற்றிய வரலாற்று குறிப்புகள் நிறைய இருப்பதால், இப்போதும் பிரிட்டனில் இந்த வகை ஸ்பானியல்களை பலரும் செல்லப்பிராணியாக வளர்க்கின்றனர். கண்காட்சிகளில் இந்த வகை பப்பிகளே அதிகம் காட்சிப்படுத்தப்படுகின்றன. இவ்வாறு, அவர் தெரிவித்தார்.