கூடலூர்:கம்பம் ஆதிசுஞ்சனகிரி மகளிர் கல்லூரியில், அன்னை தெரசா பல்கலை.,அளவிலான பெண்கள் கபடி போட்டி நடந்தது. மொத்தம் 6 கல்லூரிகள் கலந்து கொண்டன. இறுதிப்போட்டியில், கம்பம் ஆதிசுஞ்சனகிரி மகளிர் கல்லூரி அணியும், பழநி பழனியாண்டவர் மகளிர் கல்லூரி அணியும் மோதின.

பழநி கல்லூரி வெற்றி பெற்றது.இப்போட்டிகளில் பங்கேற்ற 6 கல்லூரிகளில் இருந்தும், பல்கலை.,களுக்கிடையேயான கபடி போட்டிக்கு 16 மாணவிகள் தேர்வு செய்யப்பட்டனர்.ஆதிசுஞ்சனகிரி மகளிர் கல்லூரி முதல்வர் அனுசூயா, அன்னை தெரசா பல்கலை.,விளையாட்டுத்துறை இயக்குனர் ராஜம் மற்றும் உடற்கல்வி இயக்குனர்கள், ஆசிரியர்கள் தேர்வுக்குழுவில் இடம்பெற்றிருந்தனர்.